Libreng Mobile Chest X-Ray Sceening

JAIC  |  Aug 01, 2026  |  Event

🫁𝐋𝐈𝐁𝐑𝐄𝐍𝐆 𝐌𝐎𝐁𝐈𝐋𝐄 𝐂𝐇𝐄𝐒𝐓 𝐗-𝐑𝐀𝐘 𝐒𝐂𝐑𝐄𝐄𝐍𝐈𝐍𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐋𝐎𝐎𝐂! 🩻

Ang Tuberculosis (TB) usa gihapon sa mga nag-unang makatakod nga sakit sa Pilipinas. Kasagaran, ang TB mahimong walay klarong sintomas sa sinugdanan, mao nga importante ang sayong pagpangita ug pagdiskubre sa mga kaso pinaagi sa screening.

Aron mapanalipdan ang kahimsog sa atong komunidad, magpahigayon ang Barangay Looc ug Lapu-Lapu City Health Office og Active Case Finding (ACF) pinaagi sa Mobile Chest X-Ray (CXR) Screening.

📅 August 5, 2026

⏰ 8:00 AM – 5:00 PM

📍 Likod sa Looc Barangay Hall

✅ Libre nga Chest X-Ray Screening

✅ Sayong pagdiskubre sa TB ug uban pang sakit sa baga

✅ Dali ug kombinyente pinaagi sa Mobile X-Ray Unit

Kinsa ang gina-awhag nga magpa-screen?

✔️ Naay ubo nga molungtad og 2 ka semana o labaw pa

✔️ Kanunayng gibati og kakapoy, pagkawala sa gana mokaon, o pagkunhod sa timbang

✔️ Naay kasaysayan sa TB o nakasuod sa adunay TB

✔️ Mga senior citizens

✔️ Mga manigarilyo o adunay sakit sa baga

Mas taas ang risgo sa TB kung:

🔹 Diabetic patient (naay diabetes) – mas dali matakdan ug mas taas ang posibilidad nga mahimong aktibo ang TB tungod sa hinay nga resistensya.

🔹 HIV-positive ug immunocompromised individuals – sama sa adunay sakit nga makapahuyang sa immune system, nagpa-chemotherapy, o nagainom og tambal nga makapakunhod sa resistensya.

🔹 Mga adunay malnutrisyon o ubos nga resistensya.

Hinumdumi: Ang TB matambalan ug mamaayo kung masayran ug matambalan sa sayong panahon. Ang pagpacheck-up dili lamang para sa imong kaugalingon kondili para usab sa kaluwasan sa imong pamilya ug komunidad.

💙 Ayaw hulata nga mosamot ang sintomas. Magpa-screen ug magpacheck para sa mas himsog nga Barangay Looc!

#ActiveCaseFinding

#ChestXRayScreening

#TBFreeLooc

#EndTB

#HealthyLooc

#LapuLapuCityHealthOffice

#EarlyDetectionSavesLives

#LetsGoLooc

#TagaLoocAko

#OneLapuLapu