Mayon Volcan Ash Fall Effect

JAIC  |  Jul 10, 2026  |  Announcement

🚔🚨𝗨𝗣𝗗𝗔𝗧𝗘 𝗦𝗔 𝗕𝗨𝗟𝗞𝗔𝗡 𝗞𝗔𝗡𝗟𝗔𝗢𝗡 𝗨𝗚 𝗦𝗔𝗙𝗘𝗧𝗬 𝗔𝗗𝗩𝗜𝗦𝗢𝗥𝗬 𝗔𝗟𝗔𝗡𝗚 𝗦𝗔 𝗟𝗨𝗡𝗚𝗦𝗢𝗗 𝗦𝗔 𝗟𝗔𝗣𝗨-𝗟𝗔𝗣𝗨📚📍

Giawhag ko ang tanang Oponganon nga magpabiling alerto ug kanunayng updated human sa gitaho nga eksplosibong pagbuto sa Bulkan Kanlaon karong buntaga, Hulyo 9. Sa pagkakaron, wala pay kumpirmadong ashfall nga nakaapekto sa Lungsod sa Lapu-Lapu, apan padayon kitang nagmonitor sa mga update gikan sa PHIVOLCS-DOST ug sa atong mga disaster response teams.

Gipadayon sa PHIVOLCS-DOST ang Alert Level 2 sa Bulkan Kanlaon human sa usa ka moderately explosive eruption nga nahitabo sa summit crater alas 7:33 sa buntag ug milungtad og mga tulo (3) ka minuto. Gipahinumdoman usab ang tanan nga hugot nga gidili ang pagsulod sulod sa 4-kilometer Permanent Danger Zone (PDZ).

Isip pag-andam, among giawhag ang tanan nga sundon ang mosunod nga mga pahimangno:

• 𝘒𝘢𝘯𝘶𝘯𝘢𝘺𝘯𝘨 𝘴𝘶𝘣𝘢𝘺𝘢 𝘢𝘯𝘨 𝘮𝘨𝘢 𝘰𝘱𝘪𝘴𝘺𝘢𝘭 𝘯𝘨𝘢 𝘢𝘯𝘶𝘯𝘴𝘺𝘰 𝘶𝘨 𝘭𝘪𝘬𝘢𝘺𝘪 𝘢𝘯𝘨 𝘱𝘢𝘨𝘱𝘢𝘬𝘢𝘺𝘭𝘢𝘱 𝘰𝘨 𝘥𝘪𝘭𝘪 𝘬𝘶𝘮𝘱𝘪𝘳𝘮𝘢𝘥𝘰𝘯𝘨 𝘪𝘮𝘱𝘰𝘳𝘮𝘢𝘴𝘺𝘰𝘯 𝘯𝘨𝘢 𝘮𝘢𝘩𝘪𝘮𝘰𝘯𝘨 𝘮𝘢𝘬𝘢𝘩𝘢𝘵𝘢𝘨 𝘰𝘨 𝘬𝘢𝘭𝘪𝘴𝘢𝘯𝘨.

• 𝘒𝘶𝘯𝘨 𝘢𝘥𝘶𝘯𝘢𝘺 𝘢𝘴𝘩𝘧𝘢𝘭𝘭 𝘴𝘢 𝘪𝘯𝘺𝘰𝘯𝘨 𝘭𝘶𝘨𝘢𝘳, 𝘭𝘪𝘬𝘢𝘺𝘪 𝘢𝘯𝘨 𝘥𝘪𝘭𝘪 𝘬𝘪𝘯𝘢𝘩𝘢𝘯𝘨𝘭𝘢𝘯 𝘯𝘨𝘢 𝘱𝘢𝘨𝘨𝘢𝘸𝘢𝘴 𝘴𝘢 𝘣𝘢𝘭𝘢𝘺, 𝘪𝘭𝘢𝘣𝘪𝘯𝘢 𝘢𝘯𝘨 𝘮𝘨𝘢 𝘣𝘢𝘵𝘢, 𝘴𝘦𝘯𝘪𝘰𝘳 𝘤𝘪𝘵𝘪𝘻𝘦𝘯𝘴, 𝘶𝘨 𝘮𝘨𝘢 𝘢𝘥𝘶𝘯𝘢𝘺 𝘴𝘢𝘬𝘪𝘵 𝘴𝘢 𝘣𝘢𝘨𝘢 𝘰 𝘱𝘢𝘨𝘨𝘪𝘯𝘩𝘢𝘸𝘢.

• 𝘈𝘯𝘥𝘢𝘮𝘢 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘪𝘮𝘱𝘰𝘳𝘵𝘢𝘯𝘵𝘦𝘯𝘨 𝘬𝘪𝘯𝘢𝘩𝘢𝘯𝘨𝘭𝘢𝘯𝘰𝘯 𝘴𝘢𝘮𝘢 𝘴𝘢 𝘭𝘪𝘮𝘱𝘺𝘰 𝘯𝘨𝘢 𝘵𝘶𝘣𝘪𝘨, 𝘵𝘢𝘮𝘣𝘢𝘭, 𝘱𝘢𝘨𝘬𝘢𝘰𝘯, 𝘶𝘨 𝘮𝘨𝘢 𝘱𝘳𝘰𝘵𝘦𝘤𝘵𝘪𝘷𝘦 𝘪𝘵𝘦𝘮𝘴 𝘴𝘢𝘮𝘢 𝘴𝘢 𝘧𝘢𝘤𝘦 𝘮𝘢𝘴𝘬, 𝘬𝘰𝘯 𝘢𝘥𝘶𝘯𝘢𝘺 𝘬𝘢𝘶𝘴𝘢𝘣𝘢𝘯 𝘴𝘢 𝘴𝘪𝘵𝘸𝘢𝘴𝘺𝘰𝘯.

• 𝘒𝘢𝘯𝘶𝘯𝘢𝘺𝘯𝘨 𝘭𝘪𝘮𝘱𝘺𝘰𝘩𝘪 𝘢𝘯𝘨 𝘮𝘨𝘢 𝘭𝘶𝘨𝘢𝘳 𝘥𝘪𝘪𝘯 𝘮𝘢𝘩𝘪𝘮𝘰𝘯𝘨 𝘮𝘢𝘵𝘪𝘨𝘰𝘮 𝘢𝘯𝘨 𝘢𝘣𝘰, 𝘪𝘭𝘢𝘣𝘪𝘯𝘢 𝘴𝘢 𝘢𝘵𝘰𝘱, 𝘢𝘭𝘶𝘭𝘰𝘥 (𝘨𝘶𝘵𝘵𝘦𝘳𝘴), 𝘶𝘨 𝘮𝘨𝘢 𝘨𝘢𝘸𝘢𝘴 𝘯𝘨𝘢 𝘣𝘢𝘩𝘪𝘯 𝘴𝘢 𝘣𝘢𝘭𝘢𝘺 𝘢𝘳𝘰𝘯 𝘮𝘢𝘭𝘪𝘬𝘢𝘺𝘢𝘯 𝘢𝘯𝘨 𝘱𝘢𝘨𝘣𝘶𝘨-𝘢𝘵 𝘯𝘪𝘪𝘯𝘪.

• 𝘚𝘪𝘨𝘶𝘳𝘰𝘩𝘢 𝘯𝘨𝘢 𝘴𝘪𝘳𝘢𝘥𝘰 𝘶𝘨 𝘩𝘢𝘱𝘴𝘢𝘺 𝘢𝘯𝘨 𝘮𝘨𝘢 𝘣𝘪𝘯𝘵𝘢𝘯𝘢, 𝘱𝘶𝘭𝘵𝘢𝘩𝘢𝘯, 𝘶𝘨 𝘶𝘣𝘢𝘯 𝘱𝘢𝘯𝘨 𝘢𝘨𝘪𝘢𝘯𝘢𝘯 𝘢𝘳𝘰𝘯 𝘥𝘪𝘭𝘪 𝘥𝘢𝘭𝘪 𝘮𝘢𝘬𝘢𝘴𝘶𝘭𝘰𝘥 𝘢𝘯𝘨 𝘷𝘰𝘭𝘤𝘢𝘯𝘪𝘤 𝘢𝘴𝘩 𝘴𝘢 𝘴𝘶𝘭𝘰𝘥 𝘴𝘢 𝘪𝘯𝘺𝘰𝘯𝘨 𝘱𝘢𝘯𝘪𝘮𝘢𝘭𝘢𝘺.

• 𝘗𝘢𝘯𝘢𝘭𝘪𝘱𝘥𝘪 𝘶𝘴𝘢𝘣 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘣𝘪𝘯𝘶𝘩𝘪 𝘶𝘨 𝘩𝘢𝘺𝘰𝘱 𝘱𝘪𝘯𝘢𝘢𝘨𝘪 𝘴𝘢 𝘱𝘢𝘨𝘣𝘶𝘵𝘢𝘯𝘨 𝘬𝘢𝘯𝘪𝘭𝘢 𝘴𝘢 𝘭𝘶𝘸𝘢𝘴 𝘯𝘨𝘢 𝘥𝘢𝘱𝘪𝘵 𝘶𝘨 𝘱𝘢𝘨𝘩𝘢𝘵𝘢𝘨 𝘰𝘨 𝘭𝘪𝘮𝘱𝘺𝘰 𝘯𝘨𝘢 𝘱𝘢𝘨𝘬𝘢𝘰𝘯 𝘶𝘨 𝘵𝘶𝘣𝘪𝘨.

Ang Lungsod sa Lapu-Lapu nagpabiling andam ug mabinantayon sa pagtubag sa bisan unsang posibleng sitwasyon. Padayon kitang mosalig sa opisyal ug kumpirmadong impormasyon gikan sa PHIVOLCS-DOST ug sa Lapu-Lapu City Disaster Risk Reduction and Management Office.

Mag-amping kanunay, mga Oponganon. 🙏