Ang ultrasound kay usa ka scan nga naggamit ug taas nga frequency sound wave para mahibaw-an ug matun-an ang sulod sa atong kalawasan. 

Ang sound waves manggawas pinaagi sa vibrate sa crystal sa sulod scanner. Gigamit kini para sa mga buntis para mahibaw-an ang pagtubo sa bata sa sulod sa tiyan sa inahan para makatabang ug likay sa posibleng abnormalities sa niining pagtubo. 

Unsay gamit sa ultrasound?

1st Trimester (Pilmerong tulo ka buwan) - ang ultrasound sa unang 3 ka buwan sa pagbuntis pagabuhaton para makita ang paglambo kung pila kabuok, o mahibaw-an kung pila na nga semana ang embryo nga mao ang bata kung kini mudako na. 

2nd Trimester (ika-upat hangtud ika-unom nga buwan)- ang ultrasound nga pagahimuon sa sulod sa ika-18 and 20 ka semana kay buhaton aron makita ang paglambo o pagtubo sa bata. Makita na kini ang mga tiil ug kamot, utok, ug dugokan (spine) sa maong bata. Para sad kini mahibaw-an ang gidak-on ug kung asa dapita ang inunlan (placenta) sa tiyan sa inahan. Mahibaw-an nasad niining pagbuntis kun ang bata babayi ba o lalaki kung kamo nga ginikanan gusto makahibalo. 

3rd Trimester (ika-pito hangtud ika-siyam nga buwan)- ang ultrasound paghuman sa 30 nga semana kay ginahimo para malantaw kung normal ang pagtubo sa bata. Ginalantaw usab ang gipahimutangan sa inunlan para maka sigurado nga wala kini nagbabag sa pwerta sa inahan. 

Unsay mga isyu sa medikal nga angay hunahunaon? 

Ang ultrasound kay dili makadaot sa bata, dili sakit para sa buntis, ug dili invasive ang pamaagi. 

Dako ang tabang sa ultrasound para sa mga ginikanan nga gusto makahibalo sa kahimtang sa ilang bata sa sulod sa tiyan, para sad mahibaw-an ang kung kini kay lalaki ba o babayi, ug para mahiluna sila nga normal ang pagtubo sa bata. 

Bisan pa niana, dapat sad hunahunaon nga ang ultrasound kay isa ka diagnostic nga pamaagi. Kung makita sa ultrasound nga naay abnormal nga kondisyon sa pagtubo sa bata, kinahanglan pa kini muagi sa daghan nga test para mapamatud-an ang kini nga dayagnos. 

Unsay buhaton paghuman sa ultrasound? 

Kung ang ultrasound nahuman na, trapohan lang nimo ang gel gamit ang panapton, pwede sab ka muadto sa cr. Ipasa na kini ang report sa doktor, ug pwede naka maghuwat ug kanus-a pwede makuha ang resulta. 

Unsay nay sunod mahitabo? 

Mag-dipende kini kung unsa ang mugawas nga resulta sa imong ultrasound. 

Timan-i, ang normal nga resulata sa ultrasound, dili kini gapamatuod nga normal sad ang bata sa sulod sa tiyan, dili tanang abnormalities makita sa ultrasound. Kung makita nga naay abnormalities ang bata, kinahanglan pa kini muagi ug daghan nga test para mapamatud-an ang kini nga pagdayagnos. Ang mga tests nga kapilian mao ni ang “amniocentesis” ug “chronic villus sampling”.

Ihisgut kini nga mga benepisyo, risgo, ug mga komplikasyon sa test sa dili paka mudesisyon kung mupadayun ba ka o dili isip nga inahan. 

Unsay mga posibleng mga komplikasyon?

Wala pay nahibaw-an nga risgo, komplikasyon o makadaot nga epekto sa bata nga wala pa matawo o sa inahan.